Doraemon

Eina menningarefnið sem ég fæ að horfa á á mínu heimili er Doraemon japanskur geimálfur sem bjargar heiminum frá glötun.  Doraemon er ofurhetja og hálfgert "kríp".  Siggi er nú hættur að horfa á Tinna, sem var úrvals menningarefni og horfir í staðin nær eingöngu á Doraemon.  Doraemon er greinilega japanskur, en efnið er með tælensku tali en söngurinn er upprunalegur þ.s japanskir skrækir.  Ég mæli með þessu "skemmtiefni" ef menn vilja missa vitið :)

doraemon.jpg


Glæsilegt

Ég tók eftir því að ungur maður Jóhann Kristjánsson stóð sig frábærlega í gær, en hann var fulltrúi Borgarahreyfingarinnar þegar formenn flokkana hittust á sjónvarpstöðvunum tveim í gærnótt.  Hann er gamall skólabróðir minn og hefur skotist hratt fram á stjörnuhimininn.  Hann er reynda ekki í þingmannsæti enda í 3. sæti í Reykjavík norður, en mig grunar að hann eigi eftir að koma inn mjög fljótlega sem varamaður.  Ég þekkti fá persónulega sem voru í framboði, en þessir voru helstir. 

1.  Guðfríður Lilja fékk glimrandi kosningu í Kraganum sem efsti maður fyrir vinstri græna.

2. Jóhann Kristjánsson var í þriðja sæti fyrir Borgarahreyfinguna í Reykjavík norður hjá Borgarahreyfingunni.

3. Íris Björg Kristjánsdóttir frænka mín var í 11. sæti fyrir Samfylkinguna í Kraganum

4. Erlingur Þorsteinsson skákmeistari var í 13 sæti fyrir Frjálslynda í Reykjavík norður

5. Georg Páll Skúlason var í 12 sæti fyrir Samfylkinguna í Reykjavík norður

6. Sigfús Fossdal heimsmeistari í kraftlyftingum var í 11. sæti fyrir Borgarahreyfinguna í norðaustur kjördæmi.

 

Ég er ekki viss um að ég hafi "þekkt" fleirri frambjóðendur, en núna er ég að tala um einhverskonar blogg og facebook vini.  Björn Ingi Hrafnsson og Hrannar Arnarsson er sem dæmi hættir í stjórnmálum í bili, en þeir eru báðir mjög áhrifamiklir bak við tjöldin, en Hrannar er m.a hægri hönd Jóhönnu Sigurðardóttur.  Augljóst er að ég verð að auka tengslanetið við valdið í landinu, ef maður ætlar að hafa einhver áhrif í þessu landi.  Ef eitthvað framboð fer fram á krafta mína í næstu kosningum þá er ég til í að skoða það.  Ég er t.d frekar spældur yfir því að enginn í Lýðræðishreyfingunni hafði samband við mig fyrir þessar kosningar, því ég hefði glaður viljað vera á lista hjá þeim.  Annars er ég mjög ánægður með minn flokk Samfylkinguna.  Menn geta bara velt því fyrir sér hvort ég hafi ekki örugglega kosið þá í kjörklefanum, en ég fullvissa menn um að ég himinlifandi yfir þessum úrslitum.  

samfo.jpg


mbl.is 27 nýir þingmenn
Tilkynna um óviðeigandi tengingu við frétt

Skoðunarkönnun

Hér kemur smá skoðunarkönnun á kjördag.  Könnunin er hér til vinstri.  Takið endilega þátt.  Ekki móðgast þótt ég hafi uppnefnt flokkana lítið eitt.  Það var nú bara í gríni gert.  Kjósum rétt í dag.LoL

Hvað á ég að kjósa?

Hvað á ég að kjósa?  Einfaldast er að nota útilokunaraðferðina!

1.  Sjálf-FL-flokkurinn?  Ég hef löngum verið heitur fyrir þeim.  Gunnar Thoroddsen og Davíð Oddsson.  En ég þori varla að kjósa þá.  Það eru svo margir kraftlyftingamenn sem vilja berja mig, því þeir kenna íhaldinu um að þeir séu búnir að missa vinnuna, missa húsið og missa bílinn og jafnvel kerlinguna.  Þeir kenna Sjálfstæðiflokknum um myntkörfulánið sem þeir tóku fyrir rúmlega tveim árum.  

2. Framsóknarflokkurinn?  Hann hefur líka verið í uppáhaldi hjá mér.  Steingrímur var vinsælastur.  Hélt líka mikið um á Ólaf Þórðarson og Guðna Ágústsson.  Þeir bera líka höfuð ábyrgð á 90% láninu mínu og einkavæðingu bankana.  Nei á ég að kjósa nýja formanninn Guðbjörn Sigmundsson í Kögun og samþykkja þannig öll innherjaviðskiptin.  Reyndar verndar framsókn kvótakerfið með fullri hörku. Það er hið besta mál, enda erum við með besta fiskveiðistjórnunarkerfi í heimi.  Ég vil gefa Bændaflokknum frí áfram.

3.  Borgaraflokkurinn?  Því er fljót svarað.  Flokkurinn sem rak Bjössa Bollu úr flokknum, en lætur rithöfundinn með listamannalaunin frá framsókn leiða flokkinn er ekki trúverðugur.  Rithöfundurinn ætlar að halda áfram á listamannalaunum þegar hann verður þingmaður. Af virðingu við listamannalauninn hvarlar ekki að honum að hætta á þeim.  Þau er c.a 2. milljónir á ári.  Þetta er ekki spurning um peninga, þetta er spurning um virðingu.  Frétt hér:

4.  Frjálslyndi flokkurinn?  Flokkur sem hefur alla tíð logað í illdeilum.  Flokkur sem berst gegn fisveiðistjórnunarkerfinu er ekki í lagi.

5. Samfylkingin?  Baugsflokkinn?  Ég er félagi í Samfylkingunni og kaus þá síðast.  Síðan fóru þeir í stjórn með íhaldinu og hættu ekki fyrir en þeir voru svældir burtu í mestu óeirðum Íslandsögunnar.  Fóru síðan í stjórn með kommúnistum.

6.  Lýðræðishreyfingin?  Engin spurning.  Lang flottasta framboðið, með Ástþór og Hauk í Pan í framlínunni.  Og Geir í Goldfinger er þarna líka.  Kýs þá engin spurning.

 

 

 

 


Nýtt starf

Ef allt bregst þá mun ég reyna að fá hlutverk sem Lenin eða Vandráður prófessor í bíómynd.  Er búinn að safna þessu fína skeggi og er til í gott kvikmyndahlutverk til að eiga fyrir salti í grautinn.


 

 


Væl

Skil ekki þetta væl í fólki.  Stjórnmálaflokkarnir hafa alltaf notið stuðning peningaaflanna.  Að halda öðru fram er bara hræsni.  Þetta er td. eitt að höfuðatriðum í ameríska stjórnkerfinu.  Þar er stjórnvöldum stýrt af þrýstihópum.  Afstaða Bandaríkjamanna í málefnum Kúbu og Ísraels stjórnast auðvitað af því.  Hafa ekki útgerðarmenn greitt vel í Framsóknar og Sjálfstæðisflokkinn til að viðhalda sínum hagsmunum.  Við verðum auðvitað að standa vörð um kvótakerfið.  Það hefði ekki verið hægt nema greiða í flokksjóðina.  Ég vona samt að ekkert meira misjafnt finnist á flokkinn minn.  Hann má ekki við því.

falki_826539.jpg


Ætla að kaupa mér Harley.

Ætla að kaupa mér Harley.  Núna eru þau á útsölu.  Geymi hann þá í bílskúrnum við hliðina á Benzanum og Hondunni.  Kostar bara tæplega tvær millur og lækkaði um tvær millur.  Tek þá bara við láninu.  Allt áhvílandi.  Er að ganga frá kaupum núna.  Núna er ég loksins orðinn maður með mönnum!

dsc_0003.jpg

 


Carpe diem

Ég sem þykist vera alltaf svo jákvæður og rek trúboð fyrir jákvæðu lífsviðhorfum en, er reyndar hinn mesti hræsnari sjálfur.

I.  Er í fæðingarorlofi í þrjá mánuði.  Ætlaði í austurveg með fjölskyldunni en kreppan kom í veg fyrir að sá draumur rættist.  Þar með er ég búinn að mæla göturnar í þrjá mánuði og vera ömurlegur heimafyrir.  Betra hefði verið að vinna og eiga góða afsökun fyrir letinni heima fyrir.

II.  Leyfði konunni að skipta um eldhúsinnréttingu.  Hún átti slatta af sparifé, en við ræddum þó heilmikið um ástand þjóðfélagsins og héldum að þetta væri ekkert mál.  Við gerðum enga kostnaðaráætlun, en það hefði engu breytt.  Gerðu bara kostnaðaráætlun og legðu svo 120% aukalega ofaná.  Auðvitað fór allt úrskeiðis.  Brotið gler á bakaraofni sem tók um tvo mánuði að finna út úr.  Innréttingar flísalaganir og rafmagn.  Ekki mín deild takk fyrir.  Ég ráðlegg engum að byrja svona rússíbanareið, nema hugsa þetta í botn.  Vonandi verð ég ekki gjaldþrota. 

III.  Er í námi sem mér finnst nú hrútleiðinlegt.  Veit að ég fæ áhugann aftur fyrir páska og stefni á að klára diplómað og vona að mér verði fyrirgefið áhugaleysið.  Fræðigrein sem er gagnrýnislaus á sjálfan sig.  Fræðigrein sem er í fílabeinsturni fræðanna og hefur í raun lítil tengsl við grasrótina, nema að mjög litlu leiti.  Samt eitthvað áhugavert við þetta og ég ætla því að reyna að halda haus.

IIII.  Var svo utan við mig að ég skráði nafn dóttur minnar vitlaust hjá Þjóðskránni.  Ekki hægt að breyta nafni nema sækja um nafnabreytingu.  4600 krónur verð ég að borga.  Ég benti þessum möppudýrum á að um mannleg mistök hafi verið að ræða.  Ég mun fljótlega taka á þessum skríl.

VI.  Var rukkaður um stöðubrot fyrir utan World Class 2. mars síðastiðinn.  3. mars voru svo réttu merkingarnar komnar við Laugar.  Samt á ég að borga.  Ég er þverhaus og neita að borga.   Þeir mega bara eiga bílinn minn.  

V.  Fór til Akureyrar með Víkingaklúbbnum.  Ætluðum okkur að komast upp í þriðju deild, en því miður vantaði bara hálfan vinning til að ná þeim draumi.  Ég tefldi manna verst og til að bæta óheppni okkar var mætingin mjög slök.  Sennilega verð ég að borga þátttökugjald fyrir B-liðið sem nennti ekki að mæta.  Svo leigði ég tvær íbúðir fyrir norðan.  Helmingurinn af liðinu var í Eflingarhúsinu.  Þeir gleymdu nú reyndar að þrífa blessaðir þannig að ég fæ feitan bakreikning frá verkalýðsfélaginu.  Félagarnir eru í algjöri afneitun og segjast hafa þrifið.

VI.  Byrja að vinna á báðum vinnustöðum mínum núna í apríl.  Þau hjá sambýlinu settu mig óvart á þá helgi, sem ég er að vinna hjá Landspítalanum.  Að vísu er ég vanur að vinna mikið, en ég er  ekki viss um að ég geti unnið heila helgi án þess að sofa.  Myndi þá koma af næturvakt 8.30 og mæta á sambýlið um hádegi.  Ég hef enga trú á að þetta sé samsæri, en samt athuganaleysi hjá nýja yfirmanninum að kanna ekki málin.  Veit ekki hvernig þetta leysist.  Kannski verður maður að fórna aukavinnunni og grenja út fleiri vaktir á spítalanum.


Laxness sagði:

Laxness sagði: 

Sá sem er ekki róttækur ungur og hallast svo til hægri þegar hann fer að eldast er fífl!

(Þetta máltæki er sennilega til í ýmsum útgáfum, eftir mismunandi snillinga.  Gaman væri að sjá fleiri útgáfur)


Sekt

Ég var sektaður  á æfingu í WC í Laugum um daginn.   Það stæði sem ég lagði lítur út fyrir að vera löglegt.  Ekkert skilti var til staðar sem benti til þess að bannað væri að leggja þarna, enda leggja þarna bílar frá morgni til kvölds.  Ég ákvað því að kvarta til bílastæðasjóðs.  Tveim dögum seinn var skyndilega komið nýtt skilti, þar sem ekki fer á milli mála að bannað sé að leggja þarna.  En sem betur fer tók ég mynd á símann minn, sem sannar að ég hafði rétt fyrir mér.  Ég ætla því að snú vörn í sókn á kæra Reykjavíkurborg fyrir ólöglega innheimtu.

Mynd I var tekin mánudaginn 2. mars, þegar ég var sektaður um 2500 kr fyrir eitthvað stöðubrot, sem ekki er ljóst hvað er.  Ég lagði í miðjustæðið, sjá mynd.

Mynd II var tekin miðvikudaginn 4. mars, en þá var búið að skipta um skilti og hið rétta komið í staðinn.  Núna fer ekki á milli mála að stæðin eru fullkomlega ólögleg.

 

Annars skilur maður ekkert í hinu opinbera að vera með grimma innheimtuaðgerðir á þessum siðastu og verstu tímum, þegar fólk er í sárum eftir fjármálahrunið.  Það er engu líkara en þeir hjá bílastæðasjóði hafi ákveðið að spýta í lófana og auka refsiaðgerðir gegn borgurum þessa lands.  Þeir eru greinilega byrjaðir að sekta á vafasaman hátt í úthverfum og þetta er önnur sektin á rúmlega viku sem ég hef fengið.  En um daginn var ég sektaður, eftir að stöðuvörður kona á miðjum aldir beið við mælin á Pósthússtræti til að sekta mig.   Ég hafði þá ekki fengið stöðumælasekt í þrjú ár.

Sjá hér einhversstaðar:  http://chess4cubalibre.blogspot.com/2004_11_01_archive.html


 


« Fyrri síða | Næsta síða »

Höfundur

Gunnar Freyr Rúnarsson
Gunnar Freyr Rúnarsson
Kominn á góðan aldur og í góðu jafnvægi.

Spurt er

Hvað á ég að gera á HM?

Færsluflokkar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband