Friðrik svarar fyrir sig

Friðriksmótið í skák var haldið í Landsbankanum í dag.  Þetta var sterkast hraðskákmót ársins, sem endaði með því að Helgi Ólafsson sigraði mótið.  Mótið var haldið til heiðurs Friðriki Ólafssyni skákmeistara.  Ég mætti honum í síðustu umferð og við tefldum Grundfeld afbrigði og þar var Friðrik á heimavelli og tefldi stórglæsilega.  Það sem Friðrik vissi sennilega ekki, var að ég sigraði hann í gamla daga.  Vann hann í fjöltefli þegar ég var einungis 11. ára.  Reyndar var sú skák mér til mikillar ógæfu, því ég hef ekki náð að toppa þetta afrek síðan   Friðrik náði þar með að hefna ófaranna frá því á áttunda áratug síðustu aldar.  Mig grunar að hann hafi haft hugboð um það, því hann var óvenju kátur eftir skákina og þakkaði mér margfalt fyrir hana.  Heiðursmaður hann Friðrik.  Vonandi á ég eftir að tefla við hann aftur og það verður hálfgerð úrslita skák í einvígi okkar.  Annars var það sárabót fyrir mig að ég vann Friðriksmótið í flokki 2000 stiga og undir.  Ég er reyndar með 2114 alþjóðleg elóstig, en er ekki eins hár á íslenskum stigum.  Ég fékk því 10.000 krónur í verðlaun frá Landsbankanum.  Það kemur sér vel í kreppunni í dag.  Var þó að hugsa um að gefa Kristínu frænku minni peninginn, því hún tapaði milljónum í peningasjóðum bankans.  Hvers vegna var þá bankinn að eyða pening í eitthvað skákmót. 

Úrslit hér:

GAMLA FRIÐRIKS-afrekið hér:

 

Athugasemdir

[Alma (IP-tala skráð) 16.12.2008 kl. 23:01]

Kreppan er íþyngjandi og því veitir ekki af að halda áfram uppbyggilegum stuðningi. Því er þetta frábært framtak hjá Landsa að halda áfram að styrkja frábær málefni, slíkt er nauðsynlegt fyrir mannlega reisn og sammannleg áhugamál