Ný della

Ég hef síðustu vikurnar fengið nýja dellu, en dellan sú er kölluð hnébeygja. Ég hef í raun haft minni áhuga á hnébeygju, en hniti kvenna. Hins vegar hef ég stundum nauðugur og viljugur þurft að æfa þessa leiðindaræfingu til þess að styrkja mig í réttstöðulyftu. Fyrir nokkrum árum var ég aumur í hnjám og missti því áhuga og getu til að taka þessa æfingu, en hnébeygja er ein grein í kraftlyftingum sem ég hefði viljað láta banna eins og pressuna í lyftingum forðum. Hins vegar eru tímarnir breyttir og ég reikna með að halda áfram að æfa mig og keppa í þessari skrítnu íþrótt á næsta ári ásamt æfingafélögum mínum. Ég keppti í fyrsta skipti í alvöru í þessari grein núna um helgina og náði að beygla 230 kg. Í hinum tveim greinunum (bekkpressu&réttstöðulyftu) er ég að nálgast mitt besta. Ég stefni á að taka 260 kg í enda þessa árs í þessari skrítnu æfingu. Mótið um helgina var Íslandsmeistarmót WPC sambandsins í kraftlyftingum og ég náði þar silfurverðlaunum, en keppendur í mínum flokk voru fimm talsins og sumir býstna sterkir, þannig að ég get í raun vel við unað. Þegar ég fer að taka alvöru þyngdir í þessari "nýju" grein get ég farið að keppa um gullið.
Á myndinni hér fyrir neðan er ég að taka 230 kg, en nánari úrslit á mótinu má nálgast
hér.

Athugasemdir

[arnar valgeirsson, 30.4.2007 kl. 01:26]

til hamingju með góðan árangur sterki strákur. Jebb, right, kýs frammarana. eða kannski bara ekki, ha

[Gunnar Freyr Rúnarsson, 30.4.2007 kl. 07:24]

takk fyrir það!  Núna veit ég ekki hvort ég sé að hætta í sportinu eða byrja!  Ég er þó klárlega að byrja að bæta mig í "beygjum".  Ég ætla að reyna að mæta á skákmótið í dag.  Langt síðan ég hef hreyft peð.  Vonandi næ ég að næla mér í silfur í dag á Morgan Kane mótinu  Ég ætla að skrifa smá um vinsti vænginn.  Hvað sagðist þú vera samfylkingar eða vinstri rauður?

[arnar valgeirsson, 1.5.2007 kl. 01:31]

við skulum segja að ég sé aðeins vinstra megin við þig... og til hamingju með 1/3 af bronsinu. duglegur strákur........