Frábært Jónína Bjartmarz

Ég er mjög ánægður með Jónínu mína Bjartmarz. Veit ekki hvernig þetta gat gerst, en ég hef aldrei heyrt að tvítug stúlka frá suður ameríku (afríku, asíu) fengi ríkisborgararétt eftir að hafa dvalið í landinu tæplega eitt og hálft ár á námsmannavísa. Núna segja nefndarmenn í allsherjarnefnd að 30 prósent af þeim sem sækja um ríkisborgararétt séu í sambærilegri stöðu og unga konan. Frú Deng þurfti bara að bíða í sjö ár eins og hundruðir annara nýbúa. Auðvitað áttum við að tala beint við Jónínu Bjartmarz og hún hefði reddað málunum. Ég hvet alla útlendinga sem hafa verið hérna 12 mánuði eða meira til að sækja núna um til alsherjarnefndar um undanþágu á reglunum. Og verst að Guðrún Ögmunds sé að hætta á þingi, því ég ætlaði að tala við hana um að hjálpa fimmtíu tælendingum að sækju um ríkisborgararétt. Rosalega er ég svektur að hafa ekki fattað þessa leið fyrir Deng og alla hina. Núna beini ég öllum útlendingum sem ég þekki til Bjarna Ben og Jónínu Bjartmarz. Þetta er að sjálfsögðu enginn klíkuskapur og ég skil Jón Sigurðsson, Jónínu og alla góða framsóknarmenn að þeir séu að springa úr reiði yfir þessum dylgjum blaðasnápa eins og Helga Seljans. Það er nefnilega miskilningur að það þyrfti að vera mjög sérstakar ástæður fyrir undanþágunni. Af hverju er alltaf verið að ráðast á okkur framsóknarmenn? Djöfulsins skíthælar eru þið öll. Þetta var enginn klíkuskapur. En ég get bara ásakað sjálfan mig fyrir að hafa ekki talað við Jónínu Bjartmarz strax um aldarmótin. Þá hefði Deng getað ferðast um allan heiminn á íslensku vegabréfi. Tökum sem dæmi þegar við vorum strandaglópar á landamærum Gibraltar af þvi að frú Deng fékk ekki að fara yfir á tælensku vegabréfi. Ég hafði borgað heimsferðum tvo rándýra miða til að skoða klettana, en Heimsferðir vildu síðan ekki bæta okkur þessar hundrað evrur og ég hef því ekki skipt við þá drulluhala síðan. Ári seinna vorum við stödd á landamærum Austurríkis og gátum ekki farið yfir til gömlu Júgóslavíu, Ungverjalands eða annara slavneskra landa vegna þess að við vissum ekki af Jónínu Bjartmarz. Ég segi því að minn flokkur er eini flokkurinn sem gerir eitthvað fyrir útlendinga. Og hættið svo að ráðast svona á Jónínu Bjartmarz og Framsóknarflokkinn svona rétt fyrir kosningar. Helvítis lýðskrumararnir ykkar.
XB.IS

Athugasemdir

[Gunnar Freyr Rúnarsson, 30.4.2007 kl. 09:06]

Ég sé mest eftir því að hafa ekki talað við Hannes H. strax um aldarmótin.  Hólmarinn er vinur föður míns og hann hefði síðan hefði hnipt í einhvern vin sinn í alsherjarnenfdinni.  Frú Deng hefði síðan sótt um ríkisborgararéttinn strax árið 2001 og fengið.   (Hún beið í sjö ár og fékk ríkisborgararétt fyrir ári síðan) En núna veit maður að engar sérstakar ástæður þurfa að liggja að baki undaþágu frá þriggja ára / sjö ára reglunni.  Mér finnst að frú Guðrún Ögmundsdóttir verði nú að stiga fram og gefa mér ástæðu fyrir þessum ríkisborgararétti.  Hún er eina manneskjan sem ég treysti til að skýra satt og rétt frá þessu máli.  Og ég er enn að bíða eftir sambærulegu dæmi um mál ungu stúlkunnar.  Ég veit að fjöldi undanþága hafa verið veitt, en þá hefur verið gefin einhver ástæða.  Einhver sem á föður, móður osf.  Mál Bobby Fischers var sérstakt, Dúranona, Rúnar fimleikastjarna og mál fleirri þekktra nafna osf.  En aldrei svona venjuleg mið-ameríku stúlka.

[Gunnar Freyr Rúnarsson, 30.4.2007 kl. 21:12]

Ok, málið er dautt.  Ástæðan fyrir undanþágu stúkunnar er skert ferðafrelsi og fyrirhuguð námsdvöl hennar á Englandi samkvæmt heimildum Kastljós í kvöld.  Málið er bara að þessi ferðaskerðing þurfa allir útlendingar sem koma frá þriðja heiminum að sætta sig við, þangað til nýbúarnir fá íslenskt vegabréf.  Flestir þurfað að bíða sjö ár eins og margoft hefur komið fram.  Ferðalög utan Schengensvæðisins fyrir þetta fólk er nær útilokað og þar sem Bretland tekur ekki þátt í Schengensamstarfinu þá kemst fólk með dvalarleyfi á Schengensvæðinu ekki þangað.  Nákvæmlega þetta gerðist hjá okkur á landamærum Gibraltar og í Austurríki við endimörk Schengensvæðisins.  Þetta grunaði mann allan tíman.  Til hvers eru þessir múrar ef ekki á jafnt yfir alla að ganga. Það er þó eitt gott við þetta mál að minni líkur eru til þess að svona gerist aftur.  Í öðru lagi krefst maður þess að allsherjarnefnd vandi sig betur þegar farið er yfir umsóknirnar.  Annað hvort voru Guðrún, Guðjón og Bjarni að ljúga eða þau kynntu sér ekki málið.   Kjósum samt Framsókn