Óþarfi

Það er alger óþarfi hjá þessum afturhaldskommatittum að stoppa þennan frábæra samruna.  Ekki það að ég hafi mikið vit á málinu, en ég held að þetta sé meiriháttar gjörningur að stefna að því að einkavæða orkugeirann.  Við höfum góða reynslu af fiskveiðistjórnunarkerfinu, sem er sem betur fer að festa sig í sessi meðal landsmanna.  Eins sé ég ekkert að því þótt aðrar auðlindir landsins séu einkavæddar, eins og fiskurinn í sjónum.  Ég ætla rétt að vona að kommadóttirin nái ekki að stöðva framþróunina.  Íslandsbanki fór alveg ótrúlega illa með hann Bjarna okkar Ármannson þegar þeir ráku hann frá sér slippann og snauðan.  Núna er hann sem betur fer kominn í nýtt starf og er að sameina nýju orkuútrásarfyrirtækin á mettíma.  Og Villi Vill er góður gæi, sem myndi aldrei standa í einhverju svínaríi.  Bjarni Ármanns er t.d að leggja 1.5 milljarða af sínu eigin sparifé í þetta.  Karlinn liggur á hrúgu á peningum og ekkert nema jákvætt um það að segja.  Svo er bara besta mál að hann fái góðan kauprétt í þeim ofsagróða sem framundan er.  Borgarstjóri vill einmitt jafna kaup starfsmanna Orkuveitu Reykjavíkur á hlutabréfum í REI.  Það verður sko enginn einkavinavæðing í þessu REI dæmi.  

Vilja fara með Orkuveitufund fyrir dómstóla

Athugasemdir

[arnar valgeirsson, 6.10.2007 kl. 01:12]

ég tek undir allt sem svandís segir og gerir. já, yndislegt að strákurinn bjarni skuli hafa náð sér í 500 milljónir, svona í sporslu, á fyrstu dögunum í nýja djobbinu. 500 milljónir.. í gróða.

annars minni ég á: (og breiddu nú út fagnaðarerindið fyrir mig)

Hrókurinn og skákfélag Vinjar standa fyrir hraðskákmóti í Perlunni, sunnudaginn 7. okt. kl. 16:00 í tilefni alþjóðlegs geðheilbrigðisdags.Þátttaka í mótinu er ókeypis og eru allir velkomnir. Í fyrra mættu tæplega 40 manns og vonast er eftir enn fleirum nú enda veglegir bókavinningar í boði Forlagsins sem býður einnig upp á happadrættisvinninga. Allir yngri þátttakendur fá Andrésblöð og –syrpur.Þeir þrír skákmenn sem flestum vinningum ná fá glæsileg verðlaun og auk þess verða veitt verðlaun fyrir bestan árangur  12 ára og yngri, 18 ára og yngri, 60 ára og eldri og einnig bestan árangur kvenna. Fyrir mótið, eða kl. 14:30, hefst glæsileg hátíðardagskrá þar sem verndari dagsins, Frú Vigdís Finnbogadóttir, flytur ávarp. Hljómsveitin Tríótó flytur nokkur lög og frá alþjóðahúsi koma Regnbogakórinn, magadansmeyjar og tailenskur dansflokkur. Frummælandi er Þráinn Bertelsson og kynnir hátíðarinnar er Valgeir Guðjónsson. 

[Gunnar Freyr Rúnarsson, 6.10.2007 kl. 23:19]

Já, ég var nú bara að grínast með vinstri-græna, því að sjálfsögðu á að stoppa þessa brjálæðinga af.  Er gjörsamlega að missa þolinmæðina gagnvart samfylkingunni.  Hún er bara hækja íhaldsins eins og Framsókn var.  Nema í einkavinavæðingunni.  Ég segi nú bara Árni Johnsen hvað.  Hann er bara kórdrengur við hliðina á þessum glæpamönnum....

Ég mæti að sjálfsögðu í Perluna.  Skyldumæting!