Víkingaklúbburinn

Í kvöld mætir Víkingaklúbburinn til leiks í fyrstu umferð á Íslandsmóti skákfélaga.  Á leikskrá klúbbsins eru um þrettán víkingar og munum við hefja leik í fjórðu deild.  Þótt liðið sé ágætlega skipað, þá eru liðin í fjórðu deild þrjátíu og eitt talsins og mörg þessara liða eiga sennilega vel heima í annarri deild, en þá deild þekki ég mjög vel.  Fyrirliði Víkingasveitarinnar verða Þorgeir Einarsson og Gunnar Fr. Rúnarsson, en Víkingasveitin sameinaðist hraustri sveit Gottorms Tudda, en það lið hafði staðið sig með prýði í fjórðu deild í síðustu keppni.  Fyrsta borðsmaðurinn þeirra er nú fluttur til Bahama, en verður með okkur, ef hann hefur tök á.  Þegar tvö orkufyrirtæki sameinast þá verður til  nýtt sterkt afl.  Fyrirliði Gottorms Tudda er Þorgeir Einarsson bréfskákmeistari og verður hann annar af tveim liðstjórum sveitarinnar.  Með Þorgeiri komu svo fjórir vaskir víkingar og samstarf klúbbana á vonandi eftir að verða farsælt, en við munum setjast niður fljótlega til að ganga frá samstarfinu og sameiningunni.  Víkingameistarinn er því miður ekki alveg með söguna á hreinu, en hann vann m.a fyrstu deildina með NV liði TR, sennilega árið 1982, en þá tefldi hann eina skák á áttunda borði og fékk gullverðlaun í mótslok.  Einnig tók hann sennilega þátt í vinna 3 & 2 deildina með Helli á sínum tíma, en því miður man ég þetta ekki svo glatt.  En eitt er víst að ég hef ekki ennþá unnið fjórðu deildina og aldrei stjórnað liði áður í keppni.  Þetta verðu rosalega gaman og ekkert verður gefið eftir.  Ritstjóri skak.is spáir okkur 6. sæti, en að sjálfsögðu erum við ekki sammála honum og munum gera allt sem í okkar valdi stendur að reka þessa spá ofaní hann, en spáin er að sjálfsögðu til gamans gerð.  Sjálfur ætla ég að spá fyrir um röðina á Íslandmótinu, en það er kannski ekki við hæfi að maður sé að spá um gengi eigin liðs.  En hvað um það áfram VÍKINGAR.

1.deild

1.TR

2. Fjölnir

3. Hellir

2. deild

1. Bolungarvík

2. Kátu biskuparnir

3. T.A

3. deild

1. KR

2. Hellir-c

3.Dalvík

4. deild

1.  Víkingaklúbburinn

2. Bolungarvík-b

3.Fjölnir-b

 

 

 

 

 

 

 

 

 

 

Athugasemdir

[Bjarni Sæmundsson, 12.10.2007 kl. 16:41]

Óska ykkur góðs gengis og vonandi að ég get verið þegar seinni hlutinn verður :)

[arnar valgeirsson, 13.10.2007 kl. 00:15]

segi bara tjú tjú. sýnist þið vera með svakahóp og verðið örugglega í toppbaráttunni. en vinir mínir og félagar, kátir biskupar, verða varla í öðru sætinu í 2. deild. ég yrði allavega kátur ef spá þín yrði rétt.

en hvernig gekk?

[Gunnar Freyr Rúnarsson, 13.10.2007 kl. 01:24]

Við unnum Selfoss-b 4-2.  Ég náði að vinna Magnús Matt á fyrsta borði, en hann var formaður TV síðustu ár.  Óskar & Ágúst töpuðu á 3 & 4 borði.  Þetta hefði með smá heppni getað endað 6-0.  Annars sýnist mér Bolvíkingar vera með þéttasta hópinn.  Þeir unnu sína viðureign 6-0, held ég  Veit ekki hverja við fáum á morgun...

[arnar valgeirsson, 13.10.2007 kl. 23:47]

bolvíkingar unnu mína menn 6-0 í morgun. þeir eru í gírnum. en hvernig fór í dag, herra fyrirliði??

[Gunnar Freyr Rúnarsson, 14.10.2007 kl. 01:12]

Við unnum Hauka-d 5-1 og Goðana 4-2.  Goðarnir leyndu á sér, en þetta eru þéttir karlar, kenndir við Þingeyjarsýslu.  Við fáum Bolvíkinga í fjórðu og síðustu umf í fyrri hlutanum.  Dagskipunin er SIGUR! Við erum í bullandi toppbaráttu og erum í 2-3 sæti. 

Hvað er þetta með kátu biskupana?  Vona að þetta fari að ganga betur hjá ykkur.  Voruð þið ekki með Kára Magister-cat á skrá hjá ykkur?

[Magister Cat (IP-tala skráð) 14.10.2007 kl. 22:05]

er á skrá ennþá hjá þeim..þarf að losa mig út úr þessu dæmi..nafnið á klúbbnum er of hrikalegt í öfugga-áttina..segðu mér Gunz ef þú veist nafn á einhverjum biskupamanni sem ég get haft samband við með úrsögn í huga...

[Gunnar Freyr Rúnarsson, 14.10.2007 kl. 22:31]

Arnar Valgeirs er auðvitað í félaginu.  Annars hefði verið gott að hafa þig í Víkingasveitinni.  Við erum í þriðja sæti eftir fyrri hlutann, en ætlum okkar að sigra deildina í seinni hlutanum.  Næsta ár verðum við með tvö lið.  Við gerðum jafntefli við "sterkasta" liðið Bolungarvík. 3-3.  Afraksturinn er því þrjár sigraðar viðureignir og eitt jafntefli.  Við eigum tvö leynivopn fyrir seinni hlutann og verðum að stefna á sigur

Gunnar Fr. - Guðm. Daðason           1-0

Haraldur- Stefán Andres                0-1

Jónas-Snæbjörn Guðfinns               1/2

Óskar Haralds-Magnús Sigurjónss 1/2

Svavar Viktorsson-Gísli Gunnlaugs 0-1

John Ontarios- S. Guðfinns             1-0