Nettengdur

Þá er maður loksins orðinn nettengdur aftur. Ákvað að prófa létta NOVA tengingu og gefa OgVodafone frí í smá tíma.  Kosturinn við Nova er auðvitað verðið og svo er líka hægt að tengjast hvar sem er á Reykjavíkursvæðinu auk þess sem búnaðurinn á að virka í sumarbústaðinn, s.b Grímsnesið.

Keppti í dag á fyrsta kraftlyftingamóti Metals.  Komst því miður ekki á verðlaunapall í dag, því andstæðingar mínir í 110 kg flokknum voru allir í feiknastuði.  Baráttan hjá mér í dag snérist um að bæta eigin árangur og ná kannski 3. sæti í tótali.  Því miður hafðist það ekki í dag og engum get ég kennt um það nema sjálfum mér.  Æfingarnar hafa verið stopular og hnébeygjan setið á hakanum eins og fyrri daginn.  Hins vegar var þetta ekki svo alslæmt, því ég bætti mig bæði í bekkpressu (á móti) og samanlögðum árangri.  Ég hafði 190 kg í þriðju tilraun í bekkpressunni, eftir að hafa gert 180 kg ógilt og klikka svo á 190 kg í annarri tilraun.  Aftur var það Fjölnir læknanemi sem gerði kraftaverk, en 200 kg á móti náðist því ekki að þessu sinni.  Það kemur eftir mánuð á síðasta mótinu.  Þá ætla ég að taka 250 kg í hnébeygjum, 200 kg í bekkpressu og 285 kg í réttstöðulyftu.  Eða samtals 735 kg.  Á maður ekki að vona það besta.  Þetta var þó ekki svo slæmt þrátt fyrir allt.  Maður er jú bara gamall gigtsjúklingur.  

Athugasemdir

[Gunnar Freyr Rúnarsson, 6.4.2008 kl. 06:25]

Það gengur bara betur næst sagði Ómar Ragnarsson við slökkviliðsmennina um árið.  Eftir einn mánuð get ég bætt fyrir máttleysið í hnébeygjum og réttstöðulyftu.  ...

Meistaramót WPC Ísland 2008 fer fram 3.maí