Víkingaklúbburinn

Ég var búinn að bíða mörg ár eftir að komast á aðalfund skáksambandsins, en mitt gamla félag á skipaskaganum skuldaði alltaf svo mikið að þeir voru aldrei kjörgengir aðalfundi.  Formaður Víkingaklúbbsins tók því sig til og borgaði árgjaldið á réttum tíma.  Hins vegar var það mikið áfall þegar formaðurinn frétti að aðalfundurinn væri haldi sama dag og Íslandsmót WPC í kraftlyftingum.  Það var því nauðsynlegt fyrir formanninn að mæta á aðalfundinn kl. 10.00 um morguninn og hverfa svo af fundi til að keppa í lyftingunum.  Kaffið sem ég fékk á fundinum virðist hafa farið vel í mig úr því maður náði að bæti sig í öllum greinum mótsins.

Ég var kosningalið Óttars Haukssonar, enda hef ég haldið fleiri bjórfundi með honum en hinum frambjóðandanum.  Hins vegar held ég að Björn verði fínn forseti, en ég óttast að það verði á kostnað elóstiga Löngumýraættarinnar.  

Víkingaklúbburinn var samþykktur inn í skáksambandið ásamt hinu félaginu sem ég er skráður í, en skákfélag Vinjar var líka tekið inn í sambandið.  Á skákmóti í Vín í byrjun vikunnar var nýji forsetinn mættur og náði að leggja sterkasta skákmann Íslands í einni skrítnustu skák sem tefld hefur verið. 

Formaður Víkingaklúbbsins er ekki reynslumikill í félagstörfum og náði því ekki að snú upp á hendina á hinum fulltrúa Víkingaklúbbsins að kjósa Óttar á aðalfundinum á laugadaginn.  Sá vildi meina að Björn hafi viljað halda link skákhornsins á skák.is (sem er styrkt af skáksambandinu).  En á skák.is var ekki leyft að hafa link á hið stórhættulega skákhorn.  Það þurfti víst sérstakan ályktun um það á sínum tíma og skáksambandi lét víst fjarlægja linkinn.  Ég vona því að nýji forsetinn noti nú vald sitt og lagfæri þessa vitleysu.  Það getur vel verið að Óttar hafi verið á móti þessu, en ég kaus hann nú samt.  Varla stærsta málið í skákhreyfingunni, en enga síður heitt mál.

Hinn nýji forseti verður örugglega mjög duglegur, því hann var meira og minna í símanum milli umferða.  Á myndinni má sjá forsetan í símtali í miðri myndatöku.  Gaman að þessu. 

Vormót Lóunnar:

Athugasemdir

[Sir Magister (IP-tala skráð) 7.5.2008 kl. 17:50]

þetta link mál hjá Skáksambandinu er álíka fáránlegt og hjá kraft þar sem þeir öfundast út í Kraftaheima vegna vinælda ofl. og neita að hafa link uppi...

[arnar valgeirsson, 7.5.2008 kl. 19:05]

held að bæði óttar og björn séu góðir kostir, nú eða hafi verið. vona að björn verði duglegur að fylgja eftir kynningu skákarinnar fyrir börnum allsstaðar, á landsbyggðinni sem og í borg. einnig í athvörfum, fangelsum og allsstaðar sko....

en lilja talaði einmitt um þetta linkmál á fundinum og sagði að hornið væri bara alls ekkert á vegum skáksambandsins, en skak.blog.is er það hinsvegar og þess vegna er ekki hlekkur þar á. þ.e.a.s. vegna þess að upp koma deilumál og þrætur, drullukast og tittlingaskítur, meiðandi ummæli og svo framvegis og skáksambandið tekur ekki ábyrgð á því

(hún sagði þetta ekki orðrétt svona en þú skilur)...

en við óskum bara hvorum öðrum til hamingju með að vera innvígðir og innmúraðir í skáksambandið og megi félögin vinna vel saman í framtíðinni og hirða gull og silfur, alveg hægri vinstri.

en hvur djö... var í kaffinu??