Sovét-Ísland hvenær kemur þú?

Látum ekki hugfallast kæra þjóð.  Þetta er ekki ekki heimsendir.  Ef við stöndum saman þá komust við yfir þennan hjall.  Kannski koma Rússarnir til hjálpar.  Það er auðvitað ekki víst, en í dag erum við bestu vinir Pútíns.  Pútín er mikill leiðtogi og hefur rifið Rússa upp á afturlappirnar.  Kannski er hann að gera eitthvað slæmt eins og allir stórveldisleiðtogar, en er hann eitthvað verri en Bush-inn?  Fullt einfalt, en við höfum átt góð samskipti við Rússa og áður Sovétmenn þrátt fyrir kalda stríðið og Nató aðild.  Kannski eignumst við nýja vini í framtíðinni, því þeir gömlu eru augljóslega að snúa við okkur baki.  En er þá ekki heimsfriðurinn í hættu ef við fáum lán hjá Rússum?  Ísland er eins og byssa sem beint er að Bretlandi og Bandaríkjunum sagði Bjarni Benediktsson í upphafi kalda stríðsins. (eða var það Eisenhower sem sagði þetta?)

Ég hef lengi haft mikið dálæti á Rússlandi og Sovétríkjunum gömlu.  Vonandi er eitthvað vit í þessu!

Athugasemdir

[Gunnar Freyr Rúnarsson, 9.10.2008 kl. 12:02]

Nokkrir kreppulinkar....

http://www.dv.is/frettir/2008/10/9/hvernig-attu-ad-takast-vid-kreppuna/

http://www.gazzetta.it/Calcio/Estero/Primo_Piano/2008/10/09/debitipremier.shtml

[Alma (IP-tala skráð) 9.10.2008 kl. 14:56]

Skoða þessa linka þegar manni eflist þor og aukinn karaftur

Annars er það nú þannig í þessari veröld að þegar kreppir að þá kemur fljótlega í ljós hver-jir eru í rauninni velviljaðir. Ekki dugði aldagamall kunningsskapur með meiru, við USA. Hvern hefði órað fyrir því? Buisness er buisness og það er nákvæmlega ekkert að því að fá lán hjá Rússum frekar en Norsurum.. er það? En það hefur ekki komið tilboð frá 'vinum okkar' á Norðurlöndum enn sem komið er þrátt fyrir brýna nauðsyn.

[arnar valgeirsson, 9.10.2008 kl. 20:20]

nú kemur berlega í ljós að frjálshyggjan er stórhættuleg. kommúnisminn er stabíll væni og tími til kominn að fólk sjá ljósið.

nú kannski fattar fólk líka hvers vegna við erum stundum á móti (ekki alltaf sem er klisja) því þetta lið hefur lullað yfir okkur á grútskítugum skóm og skilur meðaljóninn eftir með skörð og ör sem tekur langan tíma að lækna.

það er helvítis frjálshyggjan sem hefur étið börnin sín. ekki byltingin sem hefði betur sett af stað fyrir löngu.

[Alma (IP-tala skráð) 12.10.2008 kl. 16:02]

** Halló Gunni

Bíð og bíð  eftir tilkynningu um nýjan fjölskyldumeðlim..  og segi þetta bara:

Til hamingju með litlu dótturina ! Vonandi heilsast dömunum vel

[Gunnar Freyr Rúnarsson, 12.10.2008 kl. 21:34]

Takk fyrir það Alma.  Litla stúlkan fæddist kl 14.36 fimmtudaginn 9.10 þessa mánaðar.  Sama dag og fjármálakerfið íslenska hrundi endanlega.  Er hálf feiminn að setja inn á Moggabloggið.  Myndir af litlu prinsessunni á :

http://viktoriajohnsen.blogspot.com/

[Gunnar Freyr Rúnarsson, 13.10.2008 kl. 23:19]

Jú, sælir.  Við erum alveg til í að skoða góða möguleika.  Fínt væri að fá þig yfir, en það má víst ekki skipta um á miðju tímabili.  Höldum bara formlegan (eða óformlega) aðalfund fljótlega.  Félagið má hins vegar ekki stækka eins hratt og íslensku bankarnir.  Þá springur þetta allt í andlitið á okkur. 

[Gunnar Freyr Rúnarsson, 14.10.2008 kl. 06:48]

Á eftir að setja inn fleiri myndir...

http://viktoriajohnsen.blogspot.com/

[Sir Magister (IP-tala skráð) 14.10.2008 kl. 19:31]

Auðvitað birtir þú ekki myndir af nýfæddri dóttur þinni á þessu ómerkilega bloggi sem auðmenn Íslands ráða yfir.

Kapitalisminn er fallinn og þú ættir að hætta með þessa síðu sem er tákn kreppunnar á klakanum. Þú ert bara fínn á gömlu síðunni þinni Master sæll..

[Gunnar Freyr Rúnarsson, 15.10.2008 kl. 03:47]

Jú kannski.  Svo svo er maður auðvitað á Facebook.     Kommúnisminn er auðvitað að koma aftur, sem betur fer...