Doraemon

Eina menningarefnið sem ég fæ að horfa á á mínu heimili er Doraemon japanskur geimálfur sem bjargar heiminum frá glötun.  Doraemon er ofurhetja og hálfgert "kríp".  Siggi er nú hættur að horfa á Tinna, sem var úrvals menningarefni og horfir í staðin nær eingöngu á Doraemon.  Doraemon er greinilega japanskur, en efnið er með tælensku tali en söngurinn er upprunalegur þ.s japanskir skrækir.  Ég mæli með þessu "skemmtiefni" ef menn vilja missa vitið :)

Athugasemdir

[Baldur Hermannsson, 10.5.2009 kl. 12:06]

Hún Dóra er nú alþekktur gestur hjá öfum og ömmum þessa lands. En ansi er þetta samt fábreytilegt menningarefni hjá þér, drengur minn. Hvers vegna horfirðu ekki á óperur? Fáðu þér óperur á DVD og sestu í sófann fyrir framan kassann með þína spúsu þér við hlið og saman hverfið þið inn í draumheima tónlistar og ævintýra.

[Gunnar Freyr Rúnarsson, 10.5.2009 kl. 13:59]

Gott að vita að ég fái stuðning.  Horfi stundum á ensku knattspyrnuna í tölvunni (Siggi ræður ekki yfir henni).  Kannski ég sjái Arsenal vinna Chelsea á eftir.  Annars ætti ég frekar að lesa um kynjaðar staðalímyndir og fordóma í garð fatlaðra.  Ég á að vera gera verkefni um fötlun.  Þá er nú Doreamon skemmtilegri.  Vissi ekki að það væri búið að íslenska þetta skrípi. 

[Baldur Hermannsson, 10.5.2009 kl. 14:21]

Þú þarft að ala börnin þín upp í traustri menningu. Láttu þau njóta tónlistar og svo þarftu að lesa fyrir strákana upp úr Njálssögu. Það er ekki nóg að ausa yfir þau ást og umhyggju......