Evander Holyfield vs Nikolai Valuev

Wladimir Klitschko vs. Hasim Rahman Part 1-4

http://www.youtube.com/watch?v=hbn0OqagBFI&feature=related

http://www.youtube.com/watch?v=A-zH1gyK-Ik&feature=related

http://www.youtube.com/watch?v=oiVkiavCv5Y&feature=related

http://www.youtube.com/watch?v=7IrwscaZzWE&feature=related

http://www.youtube.com/watch?v=TqZv2E5qwI0&feature=related

Bjart framundan

Fólk er eitthvað smeykt við framtíðina, bæði atvinnuleysi og óðaverðbólgu.  En ég get huggað alla með því að við Sjálfstæðimenn munum taka af festu á vandamálum næsta árs.  Við þurftum til dæmis ekki að hafa áhyggjur af reiðum mótmælendum.  Mesta ofbeldið hingað til var þegar Guðjón skákmaður Valgarðsson Guðjónssonar kastaði linum snjóbolta í Jón Ásgeir.  Það er allt of mikið gert út þessu veseni öllu saman.  Ég er sannfærður um að þessu linnir snemma á næsta ári.  Við megum kannski ekki fara út í kosningar strax, enda mesta lýskrumið ekki búið.  það er alveg öruggt að fljótlega mun öll þessi gremja gleymast og fólkið kýs stærsta og öruggasta flokkinn aftur.  Það eru nefnilega bara við Sjálfstæðimenn sem getum stjórnað efnahagsmálum.  Við þurfum ekki að hafa áhyggjur, því skuldir okkar verða greiddar og það er best að almenningurinn taki á þetta á sig.  Breiðu bökin hjá þjóðinni taka skellinn og við höfum alveg kraftinn og þorið.  Hins vegar verðum við að hjálpa sjávarútvegnum og bönkunum.  Nauðsynlegt er að fella skuldir sjávarútvegsins niður.  Þær eru sennilega 500-600 milljarða.  Man ekki hvað Icesave reikningurinn verður hár, en hann verður líka nokkur hundruð milljarðar.  Allt Baugi að kenna.  En upphæðin er ekki  það mikil að við ráðum ekki við það.  Við höfum líka besta fiskveiðistjórnunarkerfi í heimi, sem mun aftur hjálpa okkar hratt á lappirnar.  Vonandi ber okkur gæfa til að halda í  óbreytt kerfi.  Það að veðsetja og leigja kvóta var aldrei slæmur hlutur í sjálfu sér, enda sköpust mikil verðmæti sem átti þátt í mesta góðæri Íslandsögunnar og frábærri útrás Víkingana.  En síðan kom þessi hvrfilbilur, sem enginn sá fyrir og var engum að kenna, nema einni fjölskyldu og einum manni.  OG við erum sem betur fer að keyra á rannsókn aftur gegn Baugsliðinu.  En við erum hættir við að hjóla í forsetann.  Því miður er þjóðin svo forsetaholl, þannig að við breytum um áheyrslur.  Baugur á að taka allan skellin, en hinir eru að sjálfsögðu saklausir.  Það er því miður nauðsynlegt að afskrifa mikið af skuldum, enm við reynum þá bara að núllstilla skuldirnar fyrir okkar fólk.  Nauðsynlegt væri svo að sömu mennirnir fái að kaupa bankana aftur, nema auðvitað Glitni.  Þeir menn voru okkur ekki að skapi.

    

Réttlæti?

Þessi maður fær sennilega mörg ár í fangelsi fyrir að tjá hug sinn til mannsins sem lagði Írak í rúst.  Mannsins sem ber ábyrgð á að hundruðir þúsunda saklausra borgara liggja í valnum.  Hræsni?

Friðrik svarar fyrir sig

Friðriksmótið í skák var haldið í Landsbankanum í dag.  Þetta var sterkast hraðskákmót ársins, sem endaði með því að Helgi Ólafsson sigraði mótið.  Mótið var haldið til heiðurs Friðriki Ólafssyni skákmeistara.  Ég mætti honum í síðustu umferð og við tefldum Grundfeld afbrigði og þar var Friðrik á heimavelli og tefldi stórglæsilega.  Það sem Friðrik vissi sennilega ekki, var að ég sigraði hann í gamla daga.  Vann hann í fjöltefli þegar ég var einungis 11. ára.  Reyndar var sú skák mér til mikillar ógæfu, því ég hef ekki náð að toppa þetta afrek síðan   Friðrik náði þar með að hefna ófaranna frá því á áttunda áratug síðustu aldar.  Mig grunar að hann hafi haft hugboð um það, því hann var óvenju kátur eftir skákina og þakkaði mér margfalt fyrir hana.  Heiðursmaður hann Friðrik.  Vonandi á ég eftir að tefla við hann aftur og það verður hálfgerð úrslita skák í einvígi okkar.  Annars var það sárabót fyrir mig að ég vann Friðriksmótið í flokki 2000 stiga og undir.  Ég er reyndar með 2114 alþjóðleg elóstig, en er ekki eins hár á íslenskum stigum.  Ég fékk því 10.000 krónur í verðlaun frá Landsbankanum.  Það kemur sér vel í kreppunni í dag.  Var þó að hugsa um að gefa Kristínu frænku minni peninginn, því hún tapaði milljónum í peningasjóðum bankans.  Hvers vegna var þá bankinn að eyða pening í eitthvað skákmót. 

Úrslit hér:

GAMLA FRIÐRIKS-afrekið hér:

 

Deild 12 vinnur Íslandsmeistaratitilinn

Deild 12 sigraði á jólamóti Hróksins og Vinjar i keppni geðdeildanna.  Keppnin er jafnframt óopinbert Íslandsmót geðdeildanna.  Í ár var ég vara liðstjóri, þs skipaði liðið og fékk menn að skákborðinu.  Hins vegar fékk ég ekki að tefla fyrir okkar lið, þar sem við höfðum unnið 3. ár í röð.  Ég tefldi fyrir sterka sveit Iðjuþjálfunar og vann m.a okkar mann á fyrsta borði.  Bikarahillan á deildinni er orðinn of lítil, enda erum við búnir að sprengja allt hillupláss.  Mikil gleði ríkir nú í okkar herbúðum, en sveitina skipuðu, Rafn, Ágúst Örn og Einar Rúnar.  Sérstaklega kom vaskleg frammistaða Einars Rúnars á óvart, því ekki var vitað að hann kynni yfir höfuð að tefla.  Hann mikilli framför og vann tvær skákir af þrem.  Hér má sjá verðlaunasafn okkar.  Svo ætla ég að vona að hitt liðið mitt, Víkingaklúbburinn vinni 4. deildina á íslandsmóti skákfélaga á nýju ári.  Við erum í 3. sæti núna þegar mótið er hálfnað.

Hvað næst?

Verður þess ekki krafist að Ögmundur Jónasson lækki launin.  Ég hitt mann um daginn, sem var yfir sig hneykslaður yfir því að Ögmundur væri að taka milljón á mánuði sem formaður BSRB.  En þeir sem vita betur vita að það er ekki hægt að lækka launin hans.  Ögmundur er "prinsep" maður.  Hann tekur enginn laun fyrir verkalýðsforustuna.  Betra væri ef fleiri væru eins og hann.

Laun stjórnenda LV lækkuð

Gefum Samfylkingunni frí!

Ég kaus Samfylkinguna í síðustu kosningum og var þá að vonast eftir vinstri stjórn, enda orðinn leiður á gamla íhaldinu.  En hvað gerðist?  Samfó fór í stjórn með Sjálfstæðiflokknum.  Og Sjálfstæðimenn hafa staðið sig vel og ég er nú orðinn heitur fyrir íhaldinu.  Sjálfstæðisflokkurinn er nefnilega eini flokkurinn sem kann að stýra efnahagsmálum.  Þeir hafa stjórnað með glæsibrag í 17. ár og gera enn.  Margt hefur verið til mikils sóma, m.a komum við besta fiskveiðistjórnunarkerfi í heimi á koppinn með góðri hjálp þáverandi stjórnmálaflokks Framsóknar.  Kerfið hefur sannað sig og verið staðfest vel og tryggilega.  M.a hafa margir hina svokölluðu kvótagreifa getað leigt eða selt kvóta á frjálsum markaði, eftir að frjálsa framsalið hófst.  Með því hefur orðið til gott kerfi, þar sem þeir sem hafa besta þekkingu og tækni geta veitt verðmætan aflann okkur öllum til heilla.  Allir flokkar hafa reyndar stutt þetta góða kerfi, m.a Samfylking og Vinstri Grænir. Þetta er gott kerfi sem gaf okkur mikla velsæld.  Sem dæmi þá var frjálsa framsalið fyrsta skref okkar inn í góðærið.  Vellauðugir kvótaeigendur gátu veðsett kvóta og keypt stærri eignir, tekið síðan stærri lán og fjárfest í mjög góðum eignum.  Íslenska útrásin var í eðli sínu mjög góð og sjálfstæðistefnan var grunnurinn að öllu góðærinu.  Einkavæðing bankana og íslenska útrásin var mjög vel heppnuð.  Helmingarskiptin milli flokkana gengu mjög vel og öll þjóðin var alsæl með árangurinn, enda græddum við öll kerfinu.  Það var þó helst Glitni, sem var í eigu vondra manna og ekki okkur þóknanlegir,  sem skemmdu allan árangurinn, eins og alþjóð veit núna.

Því berum við Sjálfstæðimenn enga ábyrgð á kreppunni.  Kreppan var bara hvirfilbylur sem við réðum ekki við.  Seðlabankastjórnin hefur ásamt ríkisstjórninni staðið sig mjög vel að berjast við hvirfilbylinn.  Við erum í miðri brimöldunni og við förum nú varla að skipta um áhöfn í miðjum brimskaflinum.  Hinir flokkarnir geta heldur ekki stýrt efnahagsmálum, það vitum við sem munum eftir vinstri stjórnunum, sem ekkert gátu.  Við Sjálfstæðismenn berum enga sök á öldurrótinu, hvorki ríkistjórnin, seðlabankinn eða alþingi. 

Það voru nefnilega bara tveir sökudólgar sem bera ábyrgð á hruni Íslands.  Þeir voru Hr. Ólafur Ragnar Grímsson og Jón Ásgeir.  Ólafur neitaði að skrifa undir fjölmiðlalögin, sem varð til þess að Davíð foringi okkar gat ekki brugðið fyrir Jón Ásgeir fæti, eins og við ætluðum að gera.  Það var til þess að Íslandi hrundi og þúsundmilljarða skuldarinn og Baugsforsetinn bera þar alla ábyrgð á.  Þetta má meðal annars lesa um í mjög vönduðum greinum Hannesar Hólmsteins í Fréttablaðinu og MBL og á heimasíðu Björns Bjarnasonar.  

Einkavæðing bankana gekk m.a mjög vel og einkavæðingarferlið var til fyrirmyndar.  Það var því mikið áfall fyrir okkar að okkar menn að Björgúlfsbankinn skyldu falla eins og Baugsbankinn.  Seðlabankastjórnin tók niður Baugsbankann af því að við vorum búnir að bíða lengi eftir þessu tækifæri.  Lánshæfismat og lánalínur lokuðust reyndar samdægurs, en það var auðvitað ekki Björgúlfunum eða seðlabankastjórninni að kenna.  Við vitum öll hverjir sögudólgarnir eru.  Það liggur í augum uppi.

Svo þegar þessari orrahríð verður lokið þá einkavæðum við bankana aftur.  Okkar menn fá þá Landsbankann, en einhverjir Framsóknar-kratar fá síðan KB.  Og nýtt góðæri mun byrja aftur, sjáið þið til.  Og við Sjálfstæðimenn þurfum ekki að hafa neinar áhyggjur, því öll gömlu atkvæðin munu skila sér aftur í kjörkassann.  Vitið þið bara til, því við fáum góðan fjárhagstuðning frá LÍÚ.  Fiskveiðistjórnunarkerfið er ekki alslæmt.

Viðskipta- og hagfræðingar afhenda stjórnvöldum tillögur

Nú

Það er einmitt hætta í svona ástandi að upp komi lýðskrumarar sem fara ekki að leikreglum.  Það að hóta valdaráni niðrá Austurvelli er anzi hættulegur leikur.  Sjálfur er ég í hópi hinna svokölluðu mótmælenda, en ef Hrörður Torfa ætlað að handvelja ræðumenn og bola öðrum burt fer byltingin að éta börnin sín.  Ekki vill hann heldur gefa upp hvernig hann velur fólkið, en þar með er hann ekkert betri en ríkisstjórnin.  Og af hverju mega ræðumenn ekki tengjast einhverjum stjórnmálaflokki?  Er eitthvað betra að handvelja einhverja krakka, sem aldrei hafa dýft hendi í kalt vatn, eða upplifað kreppu.  Þetta er að verða frekar klént....

Á ekki von á byltingu

Mótmæli

Það er víðar en á Íslandi sem allt er að sjóða upp úr vegna spilltra stjórnvalda.  En -fugt við Íslendinga þá "kunna" Tælendingar að mótmæla.  Og ekki veit ég hvernig fer fyrir Óla Thai og Nuu sem ætluðu að fara til Thai á föstudaginn.  Spurning hvort þau þurfa að fresta ferðinni.  Hins vegar hefur ástandið í Bangkok oft enginn áhrif á fólk á öðrum stöðum á landinu.  Þetta átti líka við þegar þegar valdaránið var framið fyrir tveim árum.  Þá varð undirritaður ekki var við neitt, enda fórum við þá ekki til Bangkok.

Báðir flugvellir Bangkok lokaðir