Ókey

Nú er Randver farinn á vit annarra verkefna og við vitum ekki af hverju.  Við aðdáendur Spaugstofunnar erum auðvitað felmtri sleginn og skiljum ekki þessa brotvikningu.  Maður heimtar bara svör.  Ég er þegar búinn að borga þetta helvítis afnotagjald í áratug, en afnotagjöldin eru þau einu sem ég er eftirá með í bókhaldi heimilisins, en á nú bara örfáa þúsundkarla eftir að hreinsa mig, en allt er þetta í góðu samkomulagi við afnotadeild RÚV.  Ég verð nú reyndar að gæta mín hvað ég segi, því tveir meðlimir í fjölskyldu minni hafa starfað í þessari stofnun og ég vil ekki eiga á hættu að skrif mín gætu komið, þeim sem enn er að vinna þarna í bobba.  En hvað getur maður sagt, því ákveðinn terror hefur viðgengist í okkar samfélagi, en ég hélt að einræðið væri á undanhaldi eftir að hann Davíð okkar dró sig loks í hlé.  Ég ætla því ekkert að setja út á Þórhall Gunnarsson og hans "góðu" verk, né heldur gera nokkrar athugasemdir við rekstraleigu Páls Magnússonar á glæsikerru sinni, sem við greiðendur afnotagjaldanna þurfum að borga.  Þetta eru bara tvöhundraðþúsund á mánuði fyrir bíldrusluna og mun minna en spjátrungurinn Bjarni Ármannsson fékk í starfslokasamning, eftir að hann hætti hjá Íslandsbanka (Glitni).  Og ekki þori ég að gagnrýna Íslandsbanka of mikið því ég þarf að skuldbreyta smá á næstu vikum og þori bara ekki að grýta fúleggjum í þessa fúlu lánastofnun, einfaldlega vegna þess að maður hleypur ekki með sín viðskipti í annan banka. 

En ÓKEY terrorinn er sko ekki á undanhaldi í samfélagi voru.   

Styðja Randver

Athugasemdir

[Magister Cat (IP-tala skráð) 22.9.2007 kl. 08:04]

held að það hafi verið rétt hjá þér að taka út þessa færslu sem var hér á undan..