Meistaramót

Meistaramót Víkingaklúbbsins verður haldið í kvöld í húsnæði Skáksambands Íslands.  Teflt verða 7 umferðir með sjö mínútna umhugsunartíma.  Hvort mótið verður monrad eða allir við alla ræðst af þáttökufjölda.  Nokkrir gestir hafa þegar þegið boð um að vera með í mótinu m.a einn stórmeistari, en fyrirvarinn var að vanda stuttur, en ákveðið var að hið vaska lið Víkingaklúbbsins myndi hittast til að þétta liðið fyrir seinni hluta Íslandsmóts skákfélaga.  Víkingaklúbburinn er í 2-3 sæti eftir fyrri hluta mótsins.  Í seinni hluta mótsins fær sveitin heldur betur liðstyrk, því til landsins er kominn Bahamameistarinn í skák, en Bjarni Sæmundsson er einn af meðlimum klúbbsins eftir sameiningu Víkingaklúbbsins og sveit Guttorms Tudda, en úr þeirri sveit komu m.a Bjarni Bahamameistari og Þorgeir Einarsson bréfskákmeistari.  Einnig ætlar Sveinn Ingi Sveinsson, Íslandsmeistari í snörun 1984 og núverandi Al-heimsmeistari í Víkingaskák 2007 að tefla í seinni hlutanum.  Við stefnum að sjálfsögðu á Íslandsmeistaratitilinn í fjórðu deild.

Athugasemdir

[arnar valgeirsson, 16.2.2008 kl. 05:26]

úff hvað ég hefði tekið heiðurssætið með stæl. en var að éta þorramat...

[Gunnar Freyr Rúnarsson, 18.2.2008 kl. 13:31]

Mér tókst að vinna meistamótið.  En kann bara ekki að búa til exel-skjal.

Gunnnar Fr                  xx      11/2   11     11    11    71/2
Haraldur Baldursson    01/2  xx       01     01    11    41/2
Sigurður Ingason         00     10       xx     11    10    4  
Bjarni Sæmundsson     00     10       00     xx    10    2
Ingimundur/Ágúst        00     00       10     01    xx    2