Síðasta tækifærið?

Hefði Eiður skorað hjá þessum Kameni hefði hann kannski fengið að vera með í næsta leik.  Næsti leikur verður gegn Man. Utd í Meistaradeildinni, þar sem Manchester menn eru mun líklegri sigurvegarar.  En það getur reyndar allt gerst í fótbolta.  Hitt er hins vegar ljóst að Barcelona verður ekki spænskur meistari í ár.  Og vonandi verður nú Rijchard þjálfari látinn fara.  Nema þeir nái að grísa á þessa Meistaradeild.  Og Eiður fái að vera með gegn Utd.  Ef Eiður verður Evrópumeistari með Barca í vor, þá fær hann mitt atkvæði sem besti knattspyrnumaður Íslands. 

Sjónvarpstöðin Sýn (það fær mig enginn til að kalla þessa stöð, stöð 2 sport) stendur fyrir skemmtilegum leik, þar sem fólk á að velja besta knattspyrnumann Íslandssögunnar.  Sniðugur leikur þar sem knattspyrnuáhugamenn fá að bera saman epli og appelsínu.  Nær allir sem taka þátt í kjörinu voru ekki einu sinni fæddir þegar Albert Guðmundsson var upp á sitt besta.  Þannig að mat manna hlýtur að vera huglægt, frekar en byggt á eigin reynslu.  Samt vill ég meina að Albert hafi verið sá besti.  Hann hafi staðið jafnfætis þeim Pusckas og DeStefano, sem voru bestir á þeim árum. 

Ásgeir Sigurvinsson er að mínu mati næst bestur, þótt ég telji að hann hafi alla tíð verið ofmetinn leikmaður.  Hann var fastamaður í miðlungsliði Stuttgart á sínum tíma.  Hann sat eitt ár á bekknum hjá Bayern og lagði sig aldrei fram með Íslenska landsliðinu.  Svo var hann algerlega einfættur leikmaður, sem var uppi á alveg hárréttum tíma.  Eiður Smári hefur hins vegar aldrei verið fastamaður í sínum liðum.  En hann hefur samt leikið með bestu liðum heims, sem útaf fyrir sig er afrek.  Albert er að mínu mati sá best frá upphafi.  Get ekki rökstutt það, en hef þetta bara á tilfinningunni.  Eiður verður hins vegar sá besti í mínum huga ef hann fær og að spila úrslitaleikinn í Meistaradeildinni og skorar mark. 

Listi þeirra Sýn-armanna er langt í frá fullkominn (frekar en minn listi).  Á tíu manna listanum vantar m.a Eyjólf Sverrisson, sem hefur m.a verið lykilmaður í þrem meistaraliðum í Evrópu, auk þess að eiga langan og gæfuríkan feril.  Hermann Hreiðarsson hefur líka alltaf verið lykilmaður í sínum liðum, þótt þau hafi flest skrapað botninn á Englandi.  

A. 10. bestu að mati stöð2

B. 20. manna hópurinn (æviágrip) 

Minn listi:

1. Albert Guðmundsson

2. Ásgeir Sigurvinsson

3. Eiður Smári

4. Jóhannes Eðvaldsson

5. Arnór Guðjónssen

6. Eyjólfur Sverrisson

7. Hermann Gunnarsson

8. Þórólfur Beck

9. Ríkharður Jónsson

10. Atli Eðvaldsson 

 

Eiður lék fyrri hálfleikinn í jafnteflisleik Barcelona

Athugasemdir

[Sir Magister (IP-tala skráð) 20.4.2008 kl. 12:11]

Ég tel líka Albert bestan....hann var frumherji hvað íslendinga varðar sem atvinnumaður í fótbolta og lék t.d. með Arsenal en á þessum tíma komust fáir útlendingar í ensk lið..Hann telst þó vart jafnoki Puskas og Stefano...ekki frekar en Eiður sé jafnoki Ronaldinho osfrv. Eiður er núna á niðurleið sem fótboltamaður var á toppnum hjá Chelsea..Flestir af yngri kynslóðinni kjósa hann í svona kjöri...

Minn listi topp 5 er svona:

1. Albert Guðmundsson

2. Eiður Smári Guðjohnsen

3. Ásgeir Sigurvinsson

4. Ríkharður Jónsson

5. Atli Eðvaldsson

-------------------------

p.s. Barcelona eru hörmung og munu falla út fyrir Manch.United.... 

[Gunnar Freyr Rúnarsson, 20.4.2008 kl. 15:08]

Þetta er nú samt skemmtilegur samkvæmisleikur.  Svo þarf líka að skilgreina forsendurnar.  Hvað á að miða við, getu, hæfileikar, ferilsskrá, fjöldi landsleikja, atvinnumennska eða áhugamennska osf.  Menn eins og Albert, Ríkharður, Hemmi Gunn & Þórólfur Beck hafa örugglega haft hæfileika og getu á við þá bestu.  Og margir aðrir.  Margt spilaði inn í atvinnumannaferil þessara manna, td veikindi, meiðsli, óheppni, drykkja og jafnvel þunglyndi.  Var Þórólfur Beck kannski hæfileikaríkastur?  Svo vantar líka markmann á listann.  Árni Gautur, Siggi Dags eða Birkir Kristins.  Það hefði kannski verið sniðugt að velja besta lið allra tíma.  Siggi Dags gamli kennarinn minn í markinu.  Guðni Bergs, Bjarni Fel og Hermann Hreiðarsson í vörninni.  osf

[arnar valgeirsson, 23.4.2008 kl. 21:28]

ég er nokkuð sammála þessum lista hjá þér forseti víkinga og kína. jóhannes kannski full ofarlega og eiður líka.

sendu mér póst, netfangið er á síðunni minni. það er vegna stórmóts. þú verður að mæta....

[Gunnar Freyr Rúnarsson, 24.4.2008 kl. 02:38]

Hélt mikið upp á Búbba maður.  Jóhannes lék með Celtic og var mikið átrúnaðargoð hjá mér þegar ég var krakki, enda byrjaði ég í Val! 

Já hvaða mót er þetta?  Ég mæti á öll mót sem mér er boðið á, enda sjaldan boðið á mót!  Skák og mát