Góðar óskir

Ég vil óska ríkistjórninni alls hins besta, þótt þetta sé vinstri villu stjórn.  Það er viðbúið að kommarnir klúðri þessu enda geta þeir ekki stjórnað efnahagsmálum.  Það eru bara við Sjálfstæðismenn sem geta þetta, þótt fólk vilji núna trúa öðru í einhverri reiði og beiskju.  Hrunið var bara utanaðkomandi fellibylur og Allan Greanspan, Ólafi Gríms og Jóni Ásgeiri að kenna, auk þess sem nokkrir aðrir óvinir Sjálfstæðisflokksins eiga þarna sök.  Vona að þessi stjórn fari nú ekki að opna Pandóruboxið og komi upp um okkur og gömlu vinina í Framsóknarflokkum.  Einkavæðing bankana var góð á sínum tíma, en það þurfti að nauðsynlega að skrörkva að landslýðnum m.a um stóra þýska bankann sem átti að vera kjölfestufjárfestir í Búnaðarbankanum. Þetta var bara lítill sparisjóður, sem var bara leppur fyrir okkar menn.  Það er ekkert ólöglegt við þetta.  Klárlega var þetta allt innan marka laganna.  M.a kaup Mohammed Sheik bin Khalifa Al-Thani á 5% hlut í Kaupþingi.  Hann var bara leppur, en það er ekkert ólöglegt við það.  Ekkert að þessu og Ólafur í Samskip græddi ekki neitt.  Það er alltaf verið að sverta karlinn, en hann hefur ekkert að fela.  Reynið bara að rannsaka þetta og einnig með þessa tvö bresku Indverja sem fengu tæplega 300 milljarða að láni gegn litlum veðum nokkrum dögum fyrir bankhrunið.  Þetta var að vísu aðeins hærri upphæð en alþjóðagjaldeyrissjóðurinn lánar okkur, en hvað er liðið að kvarta.  Þessir Indverjar voru bara leppar.  Auðvitað var því rétt að reka þá Kompásmenn, vegna þess að þeir voru að rannsaka það sem þeir máttu ekki.  Menn verða bara að skilja að oft má satt kjurt liggja.  Það var ekkert óvenjulegt við þessar lánveitingar og óþarfi að rannsaka þessi tvö léttvægu mál.  Það gæti nefnilega komið fleirri mál upp, sem ruglað gæti þjóðarsálin enn meira.  Fólk er svo biturt og svekkt vegna þess að það var svo vitlaust að taka lán í erlendri mynt og kennir síðan einhverjum útlendingum, Óla í Samskip eða Davíð Oddsyni um allt sem aflaga fer. 

Við verður því að loka þessu Pandóruboxi strax og ég treysti Samfylkingunni til að sjá um hagsmunagæslu í þessu máli.  Ég verð því mjög undrandi og reiður ef þeir ætla að kafa ofaní þessi smámál.  Einnig treysti ég meira að segja vinstri grænum til að verja kvótakerfið, því þetta er besta kerfið í veröldinni.  Mjög hagkvæmt kerfi og réttlátt, þótt sumir afbrigðisamir aumingjar hafi verið að gagnrýna þetta kerfi alla tíð.  Sem betur fer munu flokkarnir ekki snerta við kvótanum, þótt skuldir útgerðarinnar sé rétt tæplega 400-800 milljarðar.  Við gefum bara kvótann upp á nýtt og færum upphaflegu kvótaeigendum sem eru á lífi eða fjölskyldum þeirra kvótann aftur.  Þá getum við hafið nýtt góðæri, eftir kosningar þegar hægri menn komast aftur að kjötkötlunum.

Fundað um stjórnarmyndun

Athugasemdir

[Gunnar Freyr Rúnarsson, 28.1.2009 kl. 17:20]

Maður er orðinn hálf ringlaður afstaða mín til stjórnmálamanna, mótmælenda og opinbera starfsmanna mótast af Ragnars Reykás "syndrominu".  Veit ekki hvort það sé þorandi að rannsaka bankana.  Hef grun um að stjórnvöld (núverandi og fyrrverandi) vilji ekki sjá uppgjör...

Sjáum bara lánið til deCode.  Árvakursmálið osf osf..   Margir skrítnir hlutir að gerast sem þola ekki dagsjósið..

[Rut (IP-tala skráð) 31.1.2009 kl. 13:25]

Sæll Gunzi, þetta er frábært blogg hjá þér. Nú þarf ég bara að fletta aftur í tímann og lesa eldri blogg hérna á síðunni. Kveðja úr vesturbænum