Stuðningur

Ég hef ákveðið að styðja Villa Volgabjór.  Ástæðan er sú að ég tel að hann sé ennþá Gamli góði Villi.  Gaurinn vill auðvitað öllum vel, en hann er sennilega orðinn frekar gamall og gleyminn, sem gerir hann varla verri manneskju fyrir vikið.  Skil ekki þessar árásir fjölmiðlafólks á karlinn í þessu Rei-máli.  Skiptir það einhverju máli hvort hann ráðfærði sig við fyrrum borgarlögmannl eða núverandi borgarlögmann.   Gleymum því heldur ekki að það voru félagar Villa Volga, dvergarnir sex sem hentu heilu hnífasetti í bakið á honum í haust þegar þeir klöguðu Villi fyrir Geira Feita (ekki Geira í Goldfinger).  Núna eru dvergarnir orðnir fimm sem eru farnir að brugga honum launráð.  Held að Kjartan Magnússon guðfaðir nýja meirihlutans styðji Villa heilshugar.   Menn ættu að horfa á allan feril Villa í heild sinni, áður en menn fara að dæma karlinn of hart.  Hann er með áratuga reynslu úr borgarmálum og hefur verið vel liðinn og vinsæll, þangað til  þetta Rei-mál komst upp.  Hann ber ekki einn ábyrgð á því.

Hins vegar tek ég ekki upp hanskann fyrir dýralæknirinn í Hafnarfirði sem réð son foringja vors í dómaraembætti.  Sá gjörningur er og verður auðvitað óverjandi.  Það var nefnilega þessi sami dýralæknir sem gekk harðast í því á sínum tíma að fella Guðmund Árna Stefánsson fyrir spillingu á sínum tíma.  Man einhver hverjar ávirðingarnar á Guðmund Árna voru?  Snérust þær ekki að mestu um ráðningar mágs og vinar í einhver verkamannastörf?  Já hver gangrýndi hann mest á sínum tíma?  Það las ég allt um í bók um "Guðmundarmálið" upp í Svignaskarði síðasta sumar.  Guðmundar Árni varð síðar neyddur til að segja af sér ráðherradómi eins og frægt var.  Dýralæknirinn ætti að vera samkvæmur sjálfum sér og segja af sér.  Villi Volgibjór á hins vegar að fá tækifæri til að verða borgarstjóri aftur.  Áfram VILLI.   

Forstjóri OR álitsgjafinn

Athugasemdir

[Alma (IP-tala skráð) 10.2.2008 kl. 18:20]

Margt athyglisvert skrifað hérna og kannski smávegis í kaldhæðni.. Og það er ekki
nema  von. Stjórnmálamenn samtímans hafa svo sannarlega kallað yfir sig verðskuld
 gagnrýni og háðsglósur. Það er þó smá virðingarbragur á þætti ábyrgðar víða
erlendis að stjórnmálamaður sem er sannarlega uppvís að undarlegum ráðningum, verður
að segja af sér þegar almennum kjósendum sem samráðherrum, er ofboðið.. og misboðið svo maður noti mikið notaðan frasa um þessar mundir.  A.

[Gunnar Freyr Rúnarsson, 12.2.2008 kl. 19:55]

Samt minnir þetta mig alltaf á Guðmundar Árnamálið.  Ef menn hafa ekkert bakaland í flokki sínum er honum oftast fórnað.  Ef menn standa hins vegar saman, þá gerist ekkert.  Tökum dæmi:  Tveir menn ákváðu að Ísland tæki þátt í Írakstríðinu.  Allir vita að þeir komust upp með það.

[Alma (IP-tala skráð) 13.2.2008 kl. 22:48]

Ha, ha! Góður