Ruslað upp

Ég skellti mér á Reykjavík Blitz í gær.  Í fyrstu umferð náði ég að sigra andstæðing minn, en í umferð tvö dróst ég á móti ítölskum unglingi Caruana Fabiano að nafni.  Sá hafði tapað fyrir Hannesi Hlífari í næstsíðustu umferð á alvörumótinu um daginn.  Það er skemmst frá því að segja að litli Ítalinn náði að rusla mér upp í báðum skákunum.  Auðvitað var maður ferlega fúll, enda lék ég af mér heilum hrók i seinni skákinni og í þeirri fyrri tefldi ég byrjunina kolvitlaust.  Í næstu umferðum hélt svo "Ítalinn" ungi uppteknum hætti og lagði hvern stórmeistarann að velli með ótrúlega frísklegri taflmennsku.  Við hvern sigur Ítalans lyftist brúnin á mér, því fljótlega gerði ég mér grein fyrir því að gaurinn var klárlega einn af bestu hraðskákmönnum í heimi.  Enda komst hann í undanúrlit mótsins, en tapaði þá óvænt fyrir sterkum Írana.  Kínverjinn Wang Hao tók svo Íranan í úrslitaeinvíginu.