Við rákum gyðinga burt

Auðvitað átti Ramses og lögfræðingur hans að sækja um ríkisborgararétt til allsherjarnefndar, því það er besti möguleikinn fyrir fólk utan Schengensvæðisins að verða ekki sendir úr landi.  Það hefði alveg mátt reyna á það, því sú nefnd var ansi hjálpleg á sínum tíma.

Annars eru auðvitað flestir sendir burt af þeim hælisleitendum sem hingað leita.  Frægt er hvernig íslensk stjórnvöld snéru við gyðingum á sínum tíma.  En sennilega er frægasta dæmið um útlendingahatur Íslendinga þegar Nathan Friedman var sendur úr landi árið 1921.  Nathan sem þjáðist af augnsjúkdómi kom hingað til Íslands snemma á síðustu öld var vísað úr landi árið 1921.  Ég skrifaði m.a menntaskálaritgerð um þetta mál á sínum tíma og er þetta mál mörgum minnistætt.  Litli drengurinn Nathan var gyðingur og leiddar eru líkur að því að hann hafi lokið lífskeiði sínu í einni af útrýmingarbúðum nasista.

Kært til ráðherra í dag vegna máls Paul Ramses

Æfingablogg

Ég ætla mér að byrja með létt æfingablogg á gömlu bloggsíðunni minni.  Í sumar hef ég verið að æfa frekar létt í Silfursporti og hef m.a verið að æfa með hrikalegum köllum eins og Sverri Deddmaster og Brúno beljaka.  Eftir 4. maí hef ég verið í hálfgerðum kellingaæfingum þessum mönnum til mikillar armæðu, en núna í dag var kominn tími til að taka yfir góðar þyngdir í réttstöðunni.  3. maí síðastliðinn átti ég mitt besta mót og bætti mig m.a í samanlögðu um heil 35. kíló.  Samt hef ég verið að mæta að skyldurækni, enda lærði ég það hjá vin mínum Herði Magg hnébeygjutrölli úr Heilkennasambandinu að maður ætti alltaf að æfa minnst 3-4 sinnum í viku sama hvað á bjátar.  Það er því enginn ástæða til að hætta að keppa núna, enda mikil gróska hjá áhugasambandinu WPC og Metal sambandinu.  Því miður var ég ekki í standi til að keppa á Guttormsmótinu hjá Metal um daginn, en stefni á Íslandsmótið í réttstöðu í ágúst, síðan á Fógetamótið í bekkpressu og kannski stærsta mótið hjá mér verði í nóvember. 

Mikill andi er nú í þessu sporti, enda varð félagi okkar Sigfús Skyri Evrópumeistari í kraftlyftingum um daginn og kona hans Skyrfrúin varð líka Evrópumeistari í  kvennaflokki.  Síðan hefur því verið fleygt að sjálfur Benedikt Magnússon sé að huga að "comeback" í sportinu. 

Æfingabloggið byrjar að sjálfsögðu með upprifjun frá 3. maí, þegar Masterinn náði að toga upp 282,5 kg í réttstöðulyftu og vann þar með bráðskemmtilegan 110 kg flokk á Íslandsmóti hjá öðru sambandinu.

Æfingablogg : http://gunzfreyr.blogspot.com/

Með nýrri tölvu eru tæknimálin loks komin í lag og mun maður því loksins geta sett inn einhverjar myndir.

 

Stöndum saman

Við Sjálfstæðismenn þurfum nú að fara standa saman.  Alls staðar er nú sótt að okkur.  Menn eru meira að segja farnir að tala út og suður í flokknum, m.a um Evrópumál og Evru.  Þetta mátti ekki þegar Davíð hélt um valdataumanna, en núna komast menn upp með hvað sem er.  Við Sjálfstæðimenn þurftum m.a að taka slag við óvini okkar eins og Jón í Skífunni og Baugsfjölskyldunnar og fengum m.s góða hjálp frá vini okkar, ríkislögreglustjóranum.  Það er ekkert óeðlilegt við það að rannsaka þessa óvini okkar niðrí kjölinn, en við eigum samt að láta okkar menn vera.  Mér líst t.d illa á að rannsaka upphaf Baugsmálsins eða hið nýja Spron-innherjamál.  Hins vegar er aðför okkar að Jóni Ólafssyni löngu tímabær.  Hann réðst m.a á forustu okkar og það verður seint fyrirgefið.  Við Sjálfstæðimenn vörðum m.a Íraksstríðið á sínum tíma, enda gott stríð og friður ríkir nú í þessu stóra landi í dag.  Þess vegna var ég hrikalega fúll þegar einn þingmaður Sjálfstæðisflokksins, Árni Johnsen dirfist að tala um mistök í Baugsmálinu, ofsóknir á hendur Baugsmönnum og dirfast að segja að Haraldur Johannessen sé spilltur embættismaður.  Nei, við sannir Sjálfstæðismenn stöndum með okkar mönnum gegn óvinum okkar.  Ég vona því heitt að við fáum Davíð aftur til að taka við valdataumunum í flokknum.  Það er líka kominn tími til að kæfa þessa Evrópuumræðu í okkar flokki.

Björn Bjarna stendur sig líka vel eins við mátti búast af honum.  Það var mikil gæfa fyrir okkur að hann hætti ekki eftir síðustu kosningar eftir að óvinir okkur reyndu að fella hann með heilsíðuauglýsingu.  Björn fer að sjálfsögðu eftir lögum og hefðum í þessu landi og lætur ekki beygja sig í þessu Ramses-máli.  Það er ekki hægt að kenna Birni, yfirmanni Útlendingastofnunnar eða Sigurði Kára um þótt, Ramses hafi verið tekin frá mánaðar gömlu barni og verði sennilega gerður höfðinu styttri í Kenýa þegar Ítalir senda hann þangað.  Við verðum að fara eftir þessu Dyflinnarsamkomulagi og hætta þessari tilfinningasemi.  Sigurður Kári stóð sig líka vel í Kastljósi í gær.  Hann og Birgir Ármannson eru ljósið í myrkrinu hjá okkur Sjálfstæðimönnum:

Steingrímur J & Sigurður Kári

Ef?

Ef hvítabjörninn hefði drepið einhvern um daginn þá hefði allt orðið vitlaust í íslenska samfélaginu.  Ef kenísk stjórnvöld láta myrða Paul Ramses þá mega Dómsmálaráðherra og skósveinar hans svo sannarlega fara að kempa hærurnar. 

Ráðherra viðurkenni mistök

Áfram Firefox

Ég kann best við Mozilla Firefox.  Siðan ég fór að nota Mozilla hefur orðið minna vesen hjá mér. 

Og annað þessu tengt.  Ég rauk út í búð um daginn og keypti mér nýja mulningsvél, þs nýja öfluga tölvu með tveim örgjörfum og 4 gígabæta innra minni.  Núna ætti maður að geta bætt sig í bréfskákinni, m.a að salta Tölvu-Jónas í stúderingum.  Núna mega menn sko fara að vara sig.

Mozilla slær heimsmet?

Kvíði

Það verður að segjast að Útlendingastofnun tekur frekar harkalega á málum.  Ég kvíði því mikið að þurfa að fara þangað á næstu vikum, því hugmyndin er að bjóða aldraðri tengdamóður til Íslands.  Maður hefur heyrt margar draugasögur og sumar þeirra snerta m.a mína eigin fjölskyldu.  Vona að þetta mál verði skoðað sérstaklega af fjölmiðlamönnum.

Eiginkona Ramses ólöglega í landinu

Kodachrome

Komst ekki á tónleikana í gær.  Keypti mér hins vegar hljómflutningstæki í vikunni og tímdi ekki að borga mig inn á tónleika hjá dvergnum.

Kúnst

Svona er lífið.  Stundum vinnur maður og stundum tapar maður.  Gleði og sorg eru systur eða þannig.

Fagnað þrátt fyrir tap

Áfram Spánn!

Ég ætla að sjálfsögðu að halda með Spánverjum í kvöld, þótt ég hafi einhverstaðar spáð Þjóðverjum Evrópumeistaratitlinum.  Spánverjar hafa komið mér á óvart. Kannski ekki fyrir sterkt og skemmtilegt lið, heldur bjóst ég við að þeir myndu koðna niður móti öðrum stórliðum s.b Ítalíu þegar líða færi á keppnina.  Þeir hafa heldur ekki unnið stórmót í nokkra áratugi.  Kannski er tími þeirra kominn?

Væntingar í Vín

Hvað viltu að bolurinn þinn segi?

Hvað viltu að bolurinn þinn segi?

Verðbólga mælist 12,7%